நியூசிலாந்து- பாகிஸ்தான் இடையேயான முதல் டெஸ்ட் இன்று!

நியூசிலாந்துக்கு எதிரான முதல் டெஸ்ட் போட்டியில்  நாணய சுழற்சியில் வெற்றி பெற்ற பாகிஸ்தான் அணி முதலில் பந்து வீச்சை தெரிவு செய்துள்ளது.

பாகிஸ்தான் அணி நியூசிலாந்தில் சுற்றுப்பயணம் செய்து 3 போட்டிகள் கொண்டடி 20 தொடர் மற்றும் 2 போட்டிகள் கொண்ட டெஸ்ட் தொடரில் விளையாடி வருகிறது.

முதலில் நடைபெற்ற டி20 தொடரில் நியூசிலாந்து அணி 2-1 என்ற கணக்கில் டி 20 தொடரை கைப்பற்றியது.இந்நிலையில், இரு அணிகளுக்கு இடையிலான டெஸ்ட் போட்டி மவுண்ட் மாங்கனுவிலுள்ள பே ஓவல் மைதானத்தில் இன்று தொடங்கியது.

அந்தவகையில் நாணய சுழற்சியில் வெற்றி பெற்ற பாகிஸ்தான் அணி தலைவர் மொகமது ரிஸ்வான் முதலில் பந்து வீச்சை தெரிவு செய்தார். அதன்படி, நியூசிலாந்து அணியின் தொடக்க ஆட்டக்காரர்களாக டாம் லாதம் மற்றும் டாம் பிளெண்டல் களமிறங்கி விளையாடி வருகின்றனர்.

கிறிஸ்துமஸ் பண்டிகைக்கு மறுநாள் தொடங்கும் இந்த போட்டி ‘பாக்சிங் டே’ என்ற பெயரில் அழைக்கப்படுவது குறிப்பிடத்தக்கது.